Rojane
Înîsîyatîfê Neteweyî yê Kurdîstanî (ÎNK) Duzce û Zonguldak de hemleyanê ke karkeranê kurdan ser o bîy derheqê de daxuyanîyêk vet
RAYA GIŞTÎYA KURDISTANÎ RÎ
Ma hemleyanê nijadperestîye yê ke Zonguldak û Duzce de karkeranê Kurdistanî ser o bîy, bi tundî şermezar kenê.
Nijadperestîye halêko wina nîyo ke mordem bişkîyo çimî ra bikero, sivik bikero yan zî binê perdeya nêweşîyêka psîkolojîke de erzan bikero. Nijadperestîye tercîhêko bi îrade yo, rasterast cîgeh gêno û bijartişêko sîyasîyo sîstematîk û bêhewn o. Şirovekerdişê na têgeh ser o têkilîya nêweş û nêweşîye, ji bilî ke berpirsîyarîya sûcdaran binimno û sûcî lete bikero û bipoşno, çi manaya bîne çin a. Kerdişê nijadperestîye gorê têkilîya sûc, sûcdar û qurbanî, sey qewimîyayîşêko krîmînal û komelnasî bi awayêko zelal wanî bibo pênase.
Nîşan nêdayîşê bertekê pêwîstî û vîyarnayîşê nê cure kerdişan bi îfadeyanê kitabîyan, sist û nermkerdeyan sey «ma şermezar kenê», «nê kerdişî mordeman dilşikeste kenê», ne wijdanî yo ne zî wijdanê komelî ram keno. Ma her cure hemleya nijadperestîye ke karkeranê kurdan ser o bena — kesê ke ji neçarîye ra sey karkerê demsalî cografyaya xo ra teber vejîyenê — bi zonêko zelal red kenê. Nê hemleyê nijadperestîye yê ke qewimîyay, nîşaneyêka eşkera ya nefretêko xurt û bêtehemulîye ya kesî bi neteweyê kurdî yê.
Heta ke miletê kurdî hardê xo ser o, bi îradeya xo ya azade nêro îdare kerdiş, nê hemle, zext û mexdûrîyetî qedîyayîş nêkenê. Rayîro tenya ke miletê kurdî bişkîyo qederê xo bi azadî diyar bikero û rûbirûyê nê hemleyan nêbo, avakerdişê dewletêka kurdî ya serbixo û azade yo.
Ma sey Însîyatîfa Neteweyî ya Kurdistanî vengî danê pêro gelê kurdî ke bi na raştîye ra rûbirû bibê, pay ser o urzê, xo bişidnê û pey ameyoxê xo vejîyê.
Însîyatîfa Neteweyî ya Kurdistanî