Înîsîyatîva Neteweyî ya Kurdistanê
Em derketine rê da hêzên neteweyî yên ji hemû alîyan li ser zemîneke hevpar a sîyasî bicivînin, îdeolojîya neteweperwerîyê bixin navenda hişmendîya neteweyî û alîkar bin di damezrandina sazîyeke bilind a neteweyî da ku bibe îradeya hevpar a miletê me û nûneratîya miletê me bike.
Armanc û Seretayên Me
Em wisa difikirin ku, ji bo vê kêlîya em tê da ne, çîna sîyasî ya Kurd berbelav e û ne bi têra xwe ye ji bo bikare bibe kirdeyê polîtîk ê neteweyî. Em xebata xwe li ser sê eksenên ku hev temam dikin dimeşînin.
A · Eksen
Em pêwîstî bi avabûna navendên bîrdozî dizanin ku karîgerîya îdeolojîya neteweperwerîyê di hişmendî û serwextbûna neteweyî da, di pêkanîna îrade û yekîtîya neteweyî da di astên kanonîk da nîşan didin û jêderên zanyarîyên neteweyî — dîrok, ziman, çand û dab û nêrît — bi awayekî sîstematîk dişixulînin.
Bi berfirehî bixwîneB · Eksen
Ji bo ev potansîyel veguheze bibe hêzeke bi sazî û avadanî ya neteweyî, em têkîlbûna akademîsyen, rewşenbîr û entelektuelên Kurd ferz dibînin; em xebata damezrandina platformeke neteweyî pêşnîyaz dikin ku ji her nêzikatîyên bîrdozî-sîyasî pêk were.
Bi berfirehî bixwîneC · Eksen
Em sedema hebûna pêkhateya xwe ne tenê ji bo avakirina hêzeke nûneratîya neteweyî pênase dikin; em înîsîyatîva xwe di heman demê da li dijî hewldanên ji nû va dagerkirina welatê me wekî malbendeke berxwedana neteweyî dinirxînin.
Bi berfirehî bixwîne“Bîrdozîya neteweperwerîyê bicîhanîna serwerîya neteweyî û damezrandina dewleta neteweyî esas digre û di vê têkoşînê da cîh û hebûna her beşeke neteweyî rewa û hewce dibîne.”Armanc û Seretayên Me — Daxuyanname
Sêzdeh Xal
Înîsîyatîva Neteweyî ya Kurdistanê seretayên jêrîn ji xwe re esas digre.
Xurtkirina yekîtîya neteweyî ya miletê Kurd ji xwe ra dike armanc. Han dide ji bo partîyên sîyasî, sazîyên civaka sîwîl, rewşenbîr, akademîsyen, hunermend, jin û ciwan di zemîneke hevpar a neteweyî da bigihîjin hev.
Pêşvebirina çanda danûstandin, piştgirî, lihevkirin û têkoşîna hevpar a di navbeyna tevgerên sîyasî û civakî yên Kurd da ji xwe ra esas digre. Fêmdarîya pevçûnên navxweyî û jevbelavbûnê red dike.
Wekî berdewam an alternatîva tu partîyeke sîyasî tevnagere; sekneke serbixwe, bêlayen, dorfireh a neteweyî dipejirîne û bi hemû alîyên neteweyî ra di heman nêzîkbûnê da ye.
Berjewendiyên hevpar ên miletê Kurd, îradeya wî yê hevpar û mafê dîyarkirina siberoja xwe ya miletê Kurd wek seretaya bingehîn qebûl dike.
Lê dixebite ku di navbera Kurdên her çar parçeyan da danûstandinên çandî û piştgirîya civakî û demokratîk xurt bibe, hişmendîya neteweyî û hesta ayîdîyetê ya hevpar geş bibe.
Ji bo zindîhiştina mîrateya çandî û bîra dîrokî ya Kurdan dê xebatan bi rê ba bibe. Înîsîyatîva me wek berpirsîyeke neteweyî dizane tevahîya zaravayên Kurdî werin parastin û geşkirin û werin veguhastin ji bo nifşên nû. Lê belê, em asta dramatîk a bikaranîna di jîyana rojane da ya zaravayê me Dimilkî/Kirdkî wek hişyarîyekê dibînin û xîretkêşîyeke taybet ji bo bikaranîn û hînbûna wî zaravayî wek erkekê destnîşan dikin.
Înîsîyatîva me rola jinan, ciwanan, rewşenbîr û akademîsyenan di avakirina hişmendîya neteweyî da bilind dinirxîne û piştgirîyê li wan dike da bi awayekî çalak beşdarîya wan li sazîyên biryardarîyê û pêvajoyên civakî bin.
Înîsîyatîva me azadîya bawerîyan û derbirîna ramanan, piralîtîyê, beşdarîya demokratîk û şefafîyê wek seretayên jêneveger ên jîyana civakî dinirxîne.
ÎNK wek berpirsîyeke xwe ya dîrokî qebûl dike bibe alîkar ji bo geşedana hişmendîya kongreyeke neteweyî ya demokratîk, sazûmanî û dorfireh ku bikaribe nûneratîya îradeya hevpar a miletê Kurd bike.
ÎNK dilxwazê piştgirîya bi partî, platform û pêkhateyên Kurdistanî ye û li gor pêdivîyan dê hewl bide xebatên hevpar bimeşîne. Lê belê, ew bi wan tevgeran ra tu hevkarîyê nake ger ew xwe ji rejîmên kolonyalîst û hevkarên wan dûr negrin.
ÎNK damezrandina “Lijneya Nûneratîya Neteweyî” ku bikaribe mafên kolektîv ên miletê Kurd bigihîne platformên navneteweyî û bîne rojeva wan wekî armanceke stratejîk datîne pêşîya xwe.
ÎNK mîsogerkirina mafên hindikahîyên li Kurdistanê dijîn ên etnîk, olî û çandî wek yek ji seretayên sîstema hiqûqê û demokrasîyê qebûl dike. ÎNK, bi armanca beşdarîyeke wekhev û çalak li jîyana gelemperî ya civatên ku wek dîrokî di rewşeke dezawantaj da ne, piştgirîyê dide avakirin û geşkirina mekanîzmayên cudakarîyên pozîtîv ên demkî û bipîvan di qadên wekî perwerdehî, çand, rêveberîyên deverî, îstîhdamên gelemperî û nûneratîya sîyasî da. Her wiha ÎNK ji bo xwe esas digre ku azadî û mafê jîyandin û geşkirina zimanê xwe, çanda xwe, bawerî û nasnava xwe ya tevahîya komelan di makezagonê da were misogerkirin û hewl dide cewazîyên komaleyetî mîna dewlemendîya civakî û hevwelatîbûna hevpar werin dîtin. ÎNK avakirina civakeke sîyasî ya dorfireh (firehçand) ji bo xwe dike armanc ku ew xwe naspêre serdestîya piranîyê, lê xwe dispêre welatîbûna wekhev, rûmetgirtina dualî û têgîhiştina siberojeke demokratîk.
Em wek Înîsîyatîva Neteweyî ya Kurdistanê (ÎNK) parlamentoyên ku mafên kolektîv ên miletê me nas nakin meşrû nabînin û hilbijartinên ji bo van parlamentoyan wekî rojeva xwe napejirînin.
Rojane
JI BO RAYA GIŞTÎ YA KURDISTANÊ…
BixwîneBang
Em her kesî/kesê — ji mihafizekaran, lîberalan, heta çepgîran, ji hemû alîyan rewşenbîran — vedixwînin da her yek ji wan ji alîyê xwe da bi analîzên dorfireh û bi metnên xurt piştgirîya vê proseyê bike. Em ji bo hebûna xwe ya neteweyî grîng dibînin di hemû navokên civakî yên miletê me da, di tevgerên jinan û ciwanan da, di sendîkayan û rêxistinên pîşesazîyê da û di wargehan da înîsîyatîvên berxwedana neteweyî pêk werin.
Ji me re binivîsin
Dema pêl Bişîne bikin, bernameya e-nameyê vedibe.
an rasterast binivîsin: i.n.y.kurdistani@gmail.com