Rojane
Komkiştişo Demderg Enfal Vîrê Ma De yo
Seba Raya Pêroyî ya Kurdistanî
Serra 38. ya Enfala Behdînanî de: Ma Vîrî Nêkerdo, Ma Vîrî Nêkenîme!
Serra 38. ya Enfala Behdînanî de ma cangorîyanê Qirkerdişê Enfalî yê ke vîrê miletê Kurdî de sey dirbeta xorî zindî yê û qe vîrnebenê, bi rêz û rehmetî yad kenîme.
Operasyonê Enfalî mîyanê serranê 1986-1989î de hetê rejîmê Baasî yê bi rayberîya Sedam Huseyînî ra vera Kurdistanî ame kerdene. No Qirkerdiş yew numunêyo de polîtikaya Baasi yo ke duşte nasname û coxrafyaya milletê Kurdan bi seran ra û bi tewirê imhakerdena sîstematîkî amenê tetbîqkerdiş. Bi hezaran însanî ameyî qetilkerdene, bi des hezaran kesî ameyî vîndîkerdene, dewe ameyî valakerdene û bi hezaran cayê roniştişî ameyî ricnayene û bi nê tewir Baasî wast ke parçeyê hîrayî yê erdê Kurdistanî bêmerdim bimano.
Qirkerdişo Sîstematîk û Ricnayîşê Coxrafya
Proseya Enfalî de cinî, doman, kal û xortê sîvîl yê Kurdan be miqatkerdiş bî hedefê qirkerdîşê Baas. Bi hezaran însan bi tewirê komkî ameyî qetilkerdene yan zî bi zorî ra cay û warê xo ra ameyî koçberkerdene. Rewşa bi des hezaran kesan zî ewroyî tam nêzanîyena.
Ricnayîşê bi hezaran dewanê Kurdan, tahrîpkerdîşê ardên zîreatî û çimeyanê cuyayîşî parçeyêka sîyasetê rejîmê Baas bî ke, armanca êy nê teyna îmha kerdişê însanan bî, eynî wext de verankerdîşê cayanê cuyayîş yê tarîxî miletê Kurdî zî bî.
Rejîma Baasî seba ke nê sûcê xo yê giranî meşrû bikero, têgehanê dînî û erjanê fîrazanê dinyaya îslamî zî îstîsmar kerd. Namekerdişê nê operasyonê nişaneyêka ya bi dec a. Çayê ke rejim wastene zulm û zordarîya xo seba îmhakerdişî Kurdan bi nameyê Sûreya Enfalî ya Quranî de, binê perdeyê dînî de meşrû bikero.
Behdînan ra Heta Helebce: Vîrê Ma Zindî yo
Enfala Behdînanî ra Amêdîye heta Akrê, Şêxanî ra heta Barzan û herêmanê bîn ên Kurdistanî parçeyêka trajedyayêka gird a merdimatîye ya.
Sîvîlanê Helebceyî yê ke bi çekanê kîmyewî ameyî qetilkerdene, inan ra heta merdimanê ke operasyonê Enfalî de ameyî vîndîkerdene, dewanê weşîyayî û ricîyan ra heta goranê komkî yê ke çolan de ameyî dîyene, bi her şopê şahidê zulmê sîstematîkî yê rejîma Baasî ya ke vera miletê Kurdî pêk ardo.
Ewro yadkerdişê qurbanîyanê Enfalî teyna yadkerdişê decê vîyarteyî nîyo. No yadkerdiş pawitişê raştîye, wastișê edaletî yo. Û zindîverdişê vîrê cangorîyanê Enfalî yo ke endî sûcê wina yê vera merdimatîye reyna ca mecero.
Seba ke Qirkerdişê Enfalî bi heme hetanê xo ra bêro nas kerdene, rewşa qurban û vîndîbîyayan bêro eşkera kerdene, gorê komkî bêrê cigêrayene û nê sûcê giranî bi çarçewaya hiqûqê mîyanneteweyî de cezaya heqî bibînê, ma do têkoşînê xo dewam bikerîme.
Ma Vîrî Nêkerdo, Ma Vîrî Nêkenîme!
Sey Înîsiyatîfê Neteweyî yê Kurdistanî, serra 38. ya Enfala Behdînanî de ma heme canê xo yê ke Qirkerdişê Enfalî de cuya xo dest daye bi rehmet û rêzî yad kenîme.
Ma nê sûcê giranê merdimatîye yê vera miletê Kurdî û zihnîyet o ke pey na sûcî der o êy lanet kenîme û reyna eşkera kenîme ke têkoşînê ma yê seba edalet, raştî û vîrê tarîxî do dewam bikero.
Ma şehîdê xo vîrî nêkerdî!
Ma vîndîbîyayeyê xo vîrî nêkerdî!
Ma Enfal vîrî nêkerdo!
Ma vîrî nêkenîme!
Înîsiyatîfê Neteweyî yê Kurdistanî